ഒരിയ്ക്കലെങ്കിലും മനസ്സില് കുറിച്ചിട്ടതിനെയൊക്കെ ഓര്ത്തെടുക്കാന് ശ്രമിക്കാത്തവരായി ആരും തന്നെയുണ്ടാകില്ല.
എങ്കിലും ചിലതൊക്കെ മറവിയ്ക്ക് വിട്ടു കൊടുക്കാനും മനപൂര്വ്വം ശ്രമിക്കുന്നുണ്ടാകാം ചിലര് ..
എന്റെ പ്രണയം... അതിന്റെ അര്ഥവും വ്യാപ്തിയും അളക്കാന് എനിക്കറിയില്ല.
എവിടെവച്ചോ തെറ്റിപ്പോയ... ജീവിതത്തിന്റെ ഹരണങ്ങളില് നഷ്ട്ടപ്പെട്ടുപോയ ഇനിയൊരിയ്ക്കലും ശരിയാകാത്ത ഒരു കണക്ക്.. അങ്ങനെ തോന്നാറുണ്ട് ചിലപ്പോള്
പെയ്തൊഴിഞ്ഞ മഴയെങ്കിലും നനുത്ത മണ്ണിന്റെ ഗന്ധം ബാക്കി വച്ച് അവനെന്റെ മനസിലോ മിഴികളിലോ ഒക്കെ ഒളിച്ചിരുപ്പുണ്ടെന്ന് തോന്നും മറ്റുചിലപ്പോള്.
തനിച്ചിരിക്കുമ്പോഴെല്ലാം ഓര്ത്തെടുക്കാന്...സന്തോഷങ്ങളില് നീയരികില് ഇല്ലാതെ പോയല്ലോ എന്നോര്ത്ത് നിനക്കുവേണ്ടി മാത്രം ഒരു തുള്ളി കണ്ണുനീര് പൊഴിയ്ക്കാന് ഈ ഓര്മ്മകള് എനിക്ക് സ്വന്തമാണെന്നും.
ആരും കാണാതെ മനസ്സില് ഒളിപ്പിച്ചു വയ്ക്കാന് നീയെനിക്കുണ്ടല്ലോ എന്ന ചിന്ത മനസ്സിലുടനീളം നിറയുമ്പോള് ഞാന് ഞാനല്ലാതാകുന്നു ..സ്വപ്നങ്ങളുടെ ..ആഗ്രഹങ്ങളുടെ ..സ്വാന്തനത്തിന്റെ ..സൌഹൃദത്തിന്റെ ..പ്രണയത്തിന്റെ ആ ലോകം എനിക്കും സ്വന്തമാകുന്നു.... നീ നല്കിയ ഓര്മ്മകളിലൂടെ...
No comments:
Post a Comment